Enquisa HostaleríaDigna

Compostela

Palestra informativa sobre estabilidade laboral nos GES de Galiza

A SECRETARÍA DE ACCIÓN SINDICAL DA CONFEDERACIÓN NACIONAL DO TRABALLO DA GALIZA invita a todos os traballadores e traballadoras dos GRUPOS DE EMERXENCIAS SUPRAMUNICIPAIS a asistir á palestra informativa sobre a estabilidade laboral no servizo, que terá lugar o

XOVES 6 DE SETEMBRO ÁS 18:00

NO SALÓN DE ACTOS DA CONSELLARÍA DE SANIDADE

SAN LÁZARO - SANTIAGO DE COMPOSTELA

que correrá a cargo da SECRETARÍA DE ACCIÓN SINDICAL, do GABINETE XURÍDICO DA CNT e de membros da SECCIÓN SINDICAL DA CNT NO CONCELLO DE A GUARDA, traballadores do GES nese Concello.

Nesta palestra comentarase polo miudo as posibilidades de denuncia da fixeza dos contratos do persoal do GES tras a última sentenza xudicial conseguida polo GES de A GUARDA. Esta sentenza declara fixa a súa relación laboral e existe a posibilidade de iniciar demandas semellantes no resto de GES da Galiza.

Desde a SECRETARÍA DE ACCIÓN SINDICAL DA CONFEDERACIÓN NACIONAL DO TRABALLO DA GALIZA esperamos a vosa presenza e agardamos que esta información poida resulta de utilidade e sirva para mellorar as condicións de traballo e dignificar a profesión dos GRUPOS DE EMERXENCIAS SUPRAMUNICIPAIS.

A CNT inicia conflito con ACNUR

 

 

 

  • As prácticas de ACNUR co seu plantel de captación de fondos exténdese por todo o estado a pesares das condenas xudiciais acadadas.

 O sindicato CNT inicia conflito coa organización dependente de Nacións Unidas e adicada á atención a persoas refuxiadas ACNUR polas pésimas prácticas empresariais adoptadas co seu plantel de captación de fondos.

 A través dunha análise en diversas cidades en todo o estado, o sindicato afirma que ACNUR non aplica o convenio colectivo correcto, aforrándose así unha boa masa salarial, e que é unha práctica «terriblemente frecuente» que cando unha persoa entra a traballar na captación de socias/os, non se lle fai contrato ata que pasan varios días.

CNT concéntrase diante do Hotel Araguaney, propiedade da patronal HOTUSA, en solidariedade coas despedidas en Xetafe

 

  • A SUBCONTRATA DO HOTEL EXE GETAFE DESPIDE A 8 CAMAREIRAS DE PISO TRAS ORGANIZARSE COA CNT

A subcontrata EXEO do hotel EXE Getafe (da cadea HOTUSA) despide a 8 camareiras de piso despois de organizarse como sección sindical na CNT para loitar contra os abusos. En dous anos traballando no hotel, as traballadoras pasaron por tres subcontratas diferentes e agora, apenas 4 meses despois de empezar no sindicato, subcontrata e hotel despiden de forma fulminante a todas as empregadas significadas.

Médicos Sin Fronteras, condenada por impor unha cláusula abusiva ao seu plantel de captación de socias/os.

 

 

  • A organización despedía sen pagar indemnizacións ao incluír unha cláusula de rendemento mínimo abusiva nos contratos das traballadoras e traballadores que se adican a captar persoas socias.

A organización Médicos Sin Fronteras ven de ser condenada a eliminar a cláusula que lle permitía despedir ao seu persoal sen pagar ningún tipo de indemnización e sen preaviso. Dita cláusula, establecía como falta disciplinaria o non acadar as 6 novas altas semanais.

A CNT denunciou esta cláusula coma abusiva e por tanto nula a finais do ano 2015, ao entender que ese número de altas era de case imposible cumprimento tal e como indicou a pericial sociolóxica encargada. Os datos amosaban que 9 de cada 10 persoas non acadaban ese rendemento mínimo.

Información sobre as posibilidades de demanda do profesorado interino e substituto ante os seus ceses a fin de curso

 

  • Charla informativa o mércores 4 de xullo ás 18.00 h. na sede sindical da CNT de Compostela (R/García Prieto, 24-28)

 

O Tribunal Supremo vén de declarar, a raíz dunha demanda presentada na Comunidade Autónoma de Murcia, a nulidade dos despedimentos do profesorado interino non universitario que, con data de 30 de xuño, se producen todos os anos. A sentenza establece que esta práctica expón “sen ningunha dúbida a desigualdade de trato do profesorado interino” e que os ceses a data de 30 de Xuño vulneran “o principio de non discriminación que debe rexer a contratación no sector público”.

A CNT demanda ao GRUPO CONVERSIA por despedimento nulo

 

  • A empresa despide a unha traballadora como represalia á súa pertenza ao comité de folga da CNT na convocatoria da folga de 24 horas do pasado 8 de Marzo
  • A empresa oculta a causa do motivo en causas económicas e organizativas inexistentes

A CNT interpón unha demanda por despedimento nulo contra o Grupo Conversia, motivada pola acción represiva ante o intento de organización da loita sindical feminista. A empresa despide a traballadora alegando causas organizativas falsas mediante as que pretenden encubrir o carácter represivo do despedimento.

A CNT demanda a EXTERNA SERVICIOS por despedimento

 

  • O traballador estaba contratado en fraude de lei e foi despedido ao negarse a facer horas extras e tras a emisión dun informe médico sobre as lesións que sufrira nun accidente
  • As cantidades adebedadas pola empresa sobrepasan os 3000 euros

A CNT interpón unha demanda por despedimento contra a empresa de servizos Externa, empresa que non ten outra actividade que a de fornecer traballadores temporais a outras empresas, neste caso á conserveira ISIDRO DE LA CAL.

O traballador estaba contratado mediante un contrato de obra, sendo segundo a central sindical “manifestamente fraudulento, pois en realidade estaba a cubrir necesidades estruturais da empresa, polo que o contrato debía terse realizado por tempo indefinido”. Entre outros incumplimentos, tampoco se respectaba o salario sinalado no convenio colectivo pois “pagábanse 900 euros redondos, sen ningún pudor á hora de intentar ocultar a ilegalidade, cando en realidade o salario debería ascender a uns 1200 euros mensuais“, comentan na CNT.

A CNT reúnese co Concello de Compostela para prantexar as súas demandas sobre a turistificación da cidade


  • No marco da campaña iniciada no mes de Maio sobre a precariedade na hostalería, a CNT reuniuse con María Rozas e Miguel Pernas
  • O Concello recolle as demandas da CNT e amósase disposto a manter novas reunións, pero elude compromisos

A maior parte das demandas prantexadas pola CNT están en relación coa situación laboral no sector da hostalería e o comercio na cidade. Entre outras medidas, a CNT prantexa ao Concello que tome medidas dentro das competencias que lle corresponden. En concreto, a CNT pide que determinadas ordenanzas municipais que regulan cuestións como a actividade, o aproveitamento do espazo público ou de axudas municipais, queden vinculadas ao cumprimento da lexislación laboral e ao respecto dos dereitos dos traballadores e as traballadoras e en materia de seguridade social e ao seguimento de pautas de control sindical.

A CNT inicia conflicto con AUTOCARES SERÉN

  • A empresa incumple practicamente todas as disposicións do convenio colectivo
  • Os incumprimentos da empresa e as deficiencias en materia de seguridade poñen en perigo a vida do persoal

A empresa de transporte de viaxeiros Autocares Serén vén de ser demandada pola CNT ante os incumprimentos en material laboral e de seguridade por parte da empresa e ante a falta de interese por parte da empresa para solucionalas.

Desde a CNT puxéronse en marcha unha serie de reclamacións por vía sindical que incluían o respeto da xornada laboral e dos descansos mínimos semanais e entre xornadas; o pagamento das retribucións salariais que se consignan no convenio colectivo e a adopción das medidas necesarias para protexer a integridade física do persoal ante incumprimentos de aspectos como o tempo máximo de condución.

A CNT lanza unha campaña pola Hostalería Digna

 

  • A CNT presenta unha campaña de información e concienciación pola Hostalería Digna.
  • No marco da campaña, realizaránse dous actos públicos: a presentación do libro de Patricia Janeiro "Manual Básico de Hostalería" e a charla de Carlos Criado sobre os efectos nocivos do turismo masivo en Compostela.
  • Se traballas ou traballaches na Hostalería recentemente, invitámoste a cubrir a nosa enquisa de forma anónima.

  A hostalería na cidade Compostela, vinculada fortemente ao turismo e ao ocio do estudantado, é un sector que xera unha enorme cantidade de diñeiro, pero tamén que as condicións laborais nos pubs, bares, restaurantes e hoteis son das máis precarias da cidade.

 O deseño da cidade como receptor permanente de turismo, a declaración de patrimonio da humanidade, as festas e o ocio universitario xeran un enorme beneficio para as empresas, pero isto non redunda na mellora da situación das condicións laborais. Xornadas de até 60 horas semanais, impago de horas extraordinarias ou nocturnas, descansos insuficientes, ausencia de vacacións, contratos realizados por tempo de traballo ou en categorías inferiores aos realmente realizados, falta de cotización á Seguridade Social, despedimentos fulminantes... estes son apenas parte dos abusos cotiáns que se sofren na hostalería.

 A pesar de que a precariedade está tan normalizada no sector, o convenio colectivo recolle unha serie de dereitos que moitas veces non son coñecidos polos traballadores e as traballadora da Hostalería. Este descoñecemento e a falta de organización provocan que poidan perpetrarse estes abusos e que sexa moi difícil mellorar as condicións laborais do sector.

 Desde a CNT poñemos en marcha una campaña de información sobre que dereitos temos, e de asesoramento sobre a forma de actuar e organizarse para defendelos e amplialos.