Enquisa HostaleríaDigna

Contacta-nos

Galiza

CNT impulsa encontro galego do persoal temporal en fraude de lei

Desde CNT facemos un chamamento a todas as organizacións e colectivos que agrupan a persoal temporal de calquera administración pública a participar dun encontro aberto o vindeiro sábado 27 de abril ás 11h no salón de actos da Consellería de Sanidade en San Lázaro en Compostela.

O obxectivo do encontro é poder sumar forzas para incrementar a visibilidade pública da nosa difícil e olvidada situación.

A CNT denuncia as condicións de traballo en Ferrovial Servicios na Cidade da Cultura

• A CNT reclama graves incumprimentos en materia de xornada e de conciliación da vida familiar e laboral     

• A realización de horas extras e os incumprimentos da normativa de prevención de riscos son tamén circunstancias habituais     

• Tamén se denunciará o incumprimento do prego por parte da contrata

A CNT denuncia a grave situación dos traballadores do servizo de Coordinación e Programación de actividades culturais da Cidade da Cultura, servizo que nestes momentos está subcontratado con Ferrovial Servicios. 

Primeiro de Maio: no traballo e na loita, conta con CNT

O Primeiro de Maio é un día reivindicativo da clase obreira. E este ano, as rúas teñen que volver a encherse. Porque seguimos a sufrir unha perpetua crise que afecta a multitude de familias mentres o número de persoas millonarias aumentou ao dobre nos últimos anos. A patronal e os governos potencian de maneira pública ou soterrada unha economía neoliberal que supón quedarse con todos os beneficios, pagar nada ou o mínimo de impostos e privatizar progesivamente todos os nosos servizos sociais. Pero cando chegan as crises, entón queren socializar as perdas, para que paguemos entre todas e todos os seus excesos. E namentres, pretenden culpar da crise aos traballadores e traballadoras “por vivir por riba das nosas posibilidades”. Nembargantes, non se culpa aos bancos por enganar e roubar, ou ao governo por permitilo.

E este ano seguemos a padecer as últimas reformas laborais. A de 2012 sumada ás doce anteriores que sucederon desde 1977 e que supostamente naceron para mellorar a situación socio-laboral de traballadoras e traballadores, pero que serviron xusto para o contrario. Aínda non nos esquecemos da última, aínda que a a clase política leva anos tratando de enganarnos prometendo que a derogarían en canto chegaran ao poder. A CNT leva anos esixindo a súa revocación, pero non so desta reforma, senón de todas ellas, xa que o que precisamos é unha regulación laboral xusta, que equilibre a balanza, que recoñeza dereitos da clase traballadora, regulando e controlando de forma honesta os abusos do empresariado.

O persoal interino continúa co dereito á indemnización

  • A recente sentenza "Diego Porras" non produce novidade respecto da situación que xa había, pois sempre estivo en dúbida a indemnización para os interinos/as por substitución.       
  • A CNT continúa recomendando a denuncia da fraude na contratación para todo o persoal interino, especialmente, para os interinos/as por vacante que si que teñen dereito a indemnización.   

Desde a CNT queremos reiterar unha vez máis ao persoal interino a necesidade de denunciar a súa situación irregular para ter dereito a unha indemnización en caso de despedimento, máis agora ante a simplificación manifestada polos medios de información respecto a última sentencia 2017/2019 do Tribunal Supremo (asunto De Diego Porras).  

Xuridicamente falando, esta sentenza 2017/2019 non se refire a calquera interinidade, senón só a interinidade por substitución (non por vacante). Tamén a resposta, di o propio Tribunal, sería diferente se a persoa demandante mantivese a existencia de fraude da contratación, pretensión que non mantivo ao non recorrer este punto da sentenza do Tribunal Superior de Xustiza de Madrid. O Tribunal aplica o decidido polo Tribunal de Xustiza da Unión Europea (TXUE) en Montero Mateos, Facility e a chamada Diego Porras 2.  

A CNT denuncia os incumprimentos do Concello de Castro Caldelas co persoal do Grupo de Emerxencias Supramunicipal

  • A CNT reclama a fixeza da relación laboral do persoal

  • Tamén se presentan varias demandas por pagar salarios inferiores aos correspondentes legalmente

  • A realización de horas extras e os incumprimentos da normativa de prevención de riscos son tamén circunstancias habituais

Para o sindicato CNT, os Concellos base dos GES deberían facerse cargo dos seus traballadores e traballadoras como “mostra de responsabilidade co servizo de emerxencias e coa cidadanía” e sinalase que nomeadamente o Concello de Castro Caldelas incorre en graves irregularidades “non so ao realizar contratos eventuais para traballos de carácter permanente, senón que nin sequera conta cunha Relación de Postos de Traballo ao que adscribir ao seu persoal”.

A CNT demanda a TURIS-BAXE SL por despedimento

• A traballadora chegou a traballar sen contrato e foi despedida alegando descenso voluntario do rendemento sen aportar ningunha proba    

• As cantidades adebedadas pola empresa sobrepasan os 3.000 euros 

A CNT interpón unha demanda por despedimento contra a empresa TURIS-BAXE SL, empresa xestora do hotel TORRE DO RÍO de Caldas de Reis.

A traballadora comezou a súa relación laboral coa empresa sen chegar a asinar ningún contrato, situación que se mantivo, segundo a organización sindical, “durante semanas, antes de poder conseguir que a empresa formalizase un contrato indefinido”. Entre outros incumprimentos sinalados pola CNT, tampoco se respectaba o salario sinalado no convenio colectivo, nin se concedían vacacións e era habitual a realización de horas extraordinarias de maneira habitual e sen remunerar.

[CANCELADO] Roteiro Libertario - Monte do Pedroso

 

Roteiro Monte do Pedroso

 

ESTE EVENTO QUEDA CANCELADO ATA NOVA DATA POR MOR DA PREVISIÓN METEREOLÓXICA ADVERSA.

 

O sindicato convídate a participar no roteiro organizado pola Secretaría de Cultura que se realizará en Compostela, no Monte do Pedroso.

Partirase desde a Alameda (entrada da Porta Faxeira) o vindeiro sábado día 6 de abril ás 11h00. A inscripción é de balde no correo do sindicato compostela@cnt.gal - Grazas á inscripción poderémoste avisar se o roteiro se suspende por condicións climáticas ou loxísticas, máis non é estrictamente necesaria a súa realización.

Aínda que a duración estimada é de 6 horas para percorrer uns 8 km en total, é moi posible que sexa moito máis curta. Todo dependerá dos folgos das persoas que participen, pero hai que ter en conta que a ruta é de escasa dificultade e que faremos paradas para xantar e para admirar as vistas.

Punto de partida: Entrada da Alameda por Porta Faxeira.
Día: sábado 6 de abril
Hora: 11:00
Duración estimada: 6 horas
Distancia a percorrer: Aprox. 8 km

Lembra traer víveres e auga. Imprescincible calzado e roupa cómoda.

Se desexas máis información, non dubides en contactar co sindicato na dirección compostela@cnt.gal

A CNT demanda a ALONSOGASCO PLAZA CONSULTORÍA SL por despedimento

• O traballador estaba contratado en fraude de lei e foi despedido ao reclamarlle á empresa que lle aboase os salarios dos tres últimos meses traballados    

• As cantidades adebedadas pola empresa sobrepasan os 8.000 euros 

A CNT interpón unha demanda por despedimento contra a empresa AlonsoGasco Plaza, empresa que traballa entre outras facendo as instalacións de fibra óptica e antenas de multinacionais como VIASAT.

O GES de CERVO consegue a fixeza dos seus contratos de traballo

  • Os traballadores do GES de Cervo conseguen o recoñecemento da fixeza da relación laboral 
  • Tamén conseguen o recoñecemento da categoría laboral C2

Seguindo o camiño aberto pola sección sindical da CNT no GES de A Guarda, o GES de Cervo consegue que se recoñeza o carácter fixo dos seus contratos de traballo. Contrariamente aos argumentos esgrimidos polos sindicatos de concertación en canto que en realidade non son traballadores fixos, apuntalando así as prácticas ilícitas da administración, ven de recoñecerse o dereito dos traballadores e as traballadoras do GES de Cervo a ser considerados fixos e a converter os seus contratos temporais en fixos.

CNT reclama a fixeza do persoal do Consorcio Galego de Servizos de Igualdade e Benestar.

 

  • Presentado conflito colectivo pola fixeza do persoal temporal dos centros de día
  • O sindicato estuda reclamacións similares para outros colectivos de persoal do Consorcio

 

CNT vén de presentar conflito colectivo contra o Consorcio Galego de Servizos de Igualdade e Benestar reclamando a fixeza do persoal temporal e indefinido correspondente aos centros de día no Consorcio.

O persoal afectado por esta reclamación correspóndese co persoal que cubriu inicialmente os centros de día tras superar o correspondente proceso selectivo no ano 2007.