CNT Compostela

A CNT de Compostela celebra a súa III Asemblea Xeral

  • Neste importante comicio valorouse a marcha do sindicato no último ano e quedou fixado un novo Plano Estratéxico
  • Foi elixido un novo comité local tras o vencemento do mandato do anterior, que foi aprobado con moi amplas maiorías.

 

Nesta asemblea xeral a CNT de Compostela confrontaba o traballo de xestión levado a cabo polo comité local elixido na Asemblea Xeral de 2017 coa posta en práctica dos acordos de desenvolvemento das últimas asembleas e a valoración da marcha do sindicato nos últimos dous anos. Ao mesmo tempo, debía procederse á elección dun novo comité.

A Asemblea acometeu, en primeiro lugar, a aprobación da xestión do comité saínte e dos informes de xestión que con antelación se tiñan tramitado á toda a afiliación. Logo dun debate sobre o traballo do comité, aprobáronse as xestións de todas as secretarías: Xeral, Organización, Acción Sindical, Tesouraría, Comunicación, Formación, TIC e Cultura.

Seguir lendo A CNT de Compostela celebra a súa III Asemblea Xeral
Xunta

Interinización forzosa do persoal laboral temporal da Xunta de Galicia

  • Os procesos de funcionarización que se presentan como voluntarios serán obrigatorios e suporán a interinización e a perda de todos os dereitos ou o despedimento para o persoal laboral temporal
  • A previsión é iniciar este proceso antes de final de ano
  • CNT recomenda “NON aceptar” esta chantaxe

O despedimento masivo e a perda de calquera posibilidade de obter indemnizacións en caso de cese foi a solución que atoparon a Xunta e sindicatos para acabar coa elevadísima temporalidade que afecta aos traballadores a traballadoras públicas.

A disposición transitoria primeira bis da lei do Emprego Público de Galicia dispón que o persoal laboral que desempeñe postos de traballo de persoal funcionario verá modificada a súa relación laboal coa Xunta e seralle expedido “un nomeamento de natureza funcionarial interina”, que “suporá a novación da relación xurídica existente coa Administración, sen solución de continuidade na prestación dos servizos”.

Seguir lendo Interinización forzosa do persoal laboral temporal da Xunta de Galicia

Continúa o goteo de sentenzas polo dereito a consolidar na Xunta

  • Novo recoñecemento xudicial á consolidación de tramo 1
  • CNT critica a Xunta e sindicatos a respecto do proceso de consolidación

Unha nova sentenza xudicial ven de recoñecer o dereito á consolidación dun afiliado á CNT na Xunta de Galicia.

A sentenza declara o dereito desta persoa a estar encadrado no tramo 1 que se atopa regulado na disposición transitoria polo feito de ter unha antigüidade anterior a 1-7-1997.

Esta nova sentenza súmase ás xa moitas existentes relativas ao proceso de consolidación que recoñecen dereito de reserva de praza para este proceso a numeroso persoal que non pode ser cesado doutro xeito que non sexa coa aplicación de dito proceso de consolidación.

Seguir lendo Continúa o goteo de sentenzas polo dereito a consolidar na Xunta

O GES de Castro Caldelas consegue a fixeza dos seus contratos de traballo

  • Traballadores do GES de Castro Caldelas conseguen o recoñecemento da fixeza da relación laboral
  • O Concello é condenado por fraude de lei na contratación e obrigado a converter en fixos os contratos dos seus traballadores

Seguindo o camiño aberto pola sección sindical da CNT no GES de A Guarda, o GES de Castro Caldelas consegue que se recoñeza o carácter fixo dos seus contratos de traballo. Contrariamente aos argumentos esgrimidos polos sindicatos de concertación en canto que en realidade non son traballadores fixos, apuntalando así as prácticas ilícitas da administración, ven de recoñecerse o dereito dos traballadores e as traballadoras do GES de Castro Caldelas a ser considerados fixos e a converter os seus contratos temporais en fixos.

Seguir lendo O GES de Castro Caldelas consegue a fixeza dos seus contratos de traballo

O colexio Santa Apolonia é condenado por acoso laboral

 

Santa Apolonia SL e a súa administradora, María del Rosario Medina Gómez, deberán indemnizar ao delegado da sección sindical da CNT con máis de 96.000 euros
O xulgado sinala os graves danos causados no traballador por unha actitude continuada de acoso por parte da empresa
O colexio privado Santa Apolonia fora demandado en múltiples ocasións pola CNT, demandas todas elas que foron gañadas polo sindicato, e como consecuencia disto a resposta da empresa e a súa xerente, María del Rosario Medina Gómez, foi a de iniciar un proceso de persecución e acoso contra o delegado da sección sindical da CNT.
Finalmente, o xulgado considerou esta situación como vulneradora dos dereitos fundamentais do traballador e condena a Santa Apolonia e á súa xerente a indemnizar ao delegado do sindicato cunha alta suma. A sentenza recolle que xa “desde la presentación de la primera demanda frente a la empresa el actor sufrió una situación de aislamiento en el centro escolar tanto respecto de los compañeros como respecto de los responsables”. A sentenza recoñece tamén que todo o acoso sufrido polo delegado veu á raiz da defensa dos seus dereitos laborais: “Las distintas  sentencias firmes que se fueron dictando en los diversos existencia de vulneración de derechos fundamentales son suficientes por sí solas para entender acreditada la situación de hostigamiento padecida de modo reiterado en el tiempo”. 
En definitiva, a empresa Santa Apolonia SL e a súa xerente María del Rosario Medina Gómez son condenadas porque “se concluye acreditada la situación de acoso moral padecida por el trabajador, a través de la realización de diversos actos que vulneran su dignidad e integridad moral, en una cronología de evidente hostigamiento y vulneración de derechos fundamentales, que puede ser calificada de reiterativa, en un convencimiento de mala praxis empresarial que supone una pauta de hostigamiento”.
Desde a CNT valoran positivamente a sentenza e consideran “a importancia de rematar, mediante a loita sindical, con estas prácticas empresariais que son máis habituais do que parece entre a rancia burguesía compostelana”.
  • Santa Apolonia SL e a súa administradora, María del Rosario Medina Gómez, deberán indemnizar ao delegado da sección sindical da CNT con máis de 96.000 euros
  • O xulgado sinala os graves danos causados no traballador por unha actitude continuada de acoso por parte da empresa

O colexio privado Santa Apolonia fora demandado en múltiples ocasións pola CNT, demandas todas elas que foron gañadas polo sindicato, e como consecuencia disto a resposta da empresa e a súa xerente, María del Rosario Medina Gómez, foi a de iniciar un proceso de persecución e acoso contra o delegado da sección sindical da CNT.

Seguir lendo O colexio Santa Apolonia é condenado por acoso laboral

17O: Encontro persoal público temporal

Este xoves 17 ás 17h no salón de actos da Consellería de Sanidade en San Lázaro Compostela terá lugar unha nova xuntanza do Encontro galego do persoal público temporal da que fai parte a CNT e outros sindicatos e asociacións do persoal público temporal.

Nesta ocasión, a xuntanza planificará e organizará as próximas accións de protesta a desenvolver para dar continuidade ás manifestacións organizadas en maio  e setembro.

Seguir lendo 17O: Encontro persoal público temporal
Manifestación 28S

28S: Contra os “falsos” procesos de estabilización do emprego público

Centenares de persoas manifestámonos este sábado en Compostela para esixir ás administracións a “paralización inmediata” dos “falsos procesos de estabilización” de prazas públicas ocupadas por traballadores e traballadoras que levamos anos cubrindo postos estruturais e necesidades permanentes dentro dos entes públicos.

 

A manifestación, que arrincou ás 12,00 horas da Alameda e percorreu as rúas da cidade con sons de sirenas, pitos e berros como ‘Paremos a fraude dás administracións’ , ‘Non ao ERE nas administracións’ ou ‘Feijo, Barreiro iredes pra Teixeiro’.

 

Encabezada por unha pancarta co lema ‘Paremos a fraude e o abuso nas administracións públicas’, pedimos a detención dos procesos que os distintos gobernos de toda España puxeron ou porán en marcha para a estabilización de postos.

Seguir lendo 28S: Contra os “falsos” procesos de estabilización do emprego público
Paremos a fraude e o abuso nas Administracións Públicas

28S: Paremos a fraude e o abuso nas Administracións públicas!

Co lema ” distintos colectivos que agrupan a persoal público temporal convocamos unha manifestación o vindeiro sábado 28 de setembro ás 12 h con saída da Alameda de Compostela.

encontro aberto de persoal temporal  xuntou a sindicatos, colectivos, asociacións, grupos de traballadores/as e a persoas a título individual que consensuamos a organización de unha mobilización aberta e inclusiva para o vindeiro 28 de maio co obxectivo de visibilizar a olvidada problemática do persoal laboral en fraude de lei e abuso de temporalidade nas distintas Administracións Públicas.

O encontro subscribe os seguintes puntos reivindicativos:

  • Paralización inmediata dos falsos procesos de estabilización, sen prexuízo da continuidade da oferta de prazas ordinarias para cubrir baixas
  • Suspensión e anulación de todo cese e despedimento ilegal
  • Estabilización mediante regularización administrativa, de todo o persoal público en fraude e abuso de temporalidade
  • Igualdade de trato e condicións de traballo entre persoal temporal e fixo da Administración
  • Reversión das privatizacións
  • Recuperación de vacantes e prazas amortizadas sacando a oferta de emprego público as prazas necesarias para acabar cos planteis deficitarios

 

O vindeiro 17 de outubro se celebre a seguinte convocatoria do encontro galego do persoal público temporal.

Cartel para difusión

Seguir lendo 28S: Paremos a fraude e o abuso nas Administracións públicas!

A CNT denuncia as condicións de seguridade do traballo dos Grupos de Emerxencias Supramunicipais

  • Ademáis das demandas en marcha en varios Concellos, a CNT presenta tres novas demandas ante a Inspeción de Traballo nos concellos de Brión, Castro Caldelas e Cervo
  • A falta de medidas de seguridade pon en grave risco aos traballadores e aos viciños
  • As alcaldías e as concellerías responsábeis poderían incorrer incluso en responsabilidades penais

A CNT denuncia diversas irregularidades, que cualifican de moi graves, nos Grupos de Emerxencias Supramunicipais de diversos concellos. Segundo o sindicato anarquista, en casos como os Concellos de Brión e Castro Caldelas o Concello non facilita a avaliación de riscos nin a planificación preventiva do servizo, o que “provoca un grande desamparo dos profesionais e crea unha situación de perigo permanente“. Recálcase desde a CNT que esta información se solicitou tanto aos responsábeis municipais como ao Delegado de Prevención de cada un dos Concellos, “peticións das que non se recibiu resposta en ningunha ocasión, o que supón un grave incumprimento e pode implicar incluso responsabilidades penais por parte do Concello e do delegado de Prevención“.

Seguir lendo A CNT denuncia as condicións de seguridade do traballo dos Grupos de Emerxencias Supramunicipais

A CNT denuncia as condicións no Punto de Atención á Infancia do Concello de Boimorto

• A CNT denuncia a contratación precaria e fraudulenta do persoal
• As diferencias salariais alcanzan máis de 7.000€ anuais por posto

A CNT denuncia as graves condicións de traballo no Punto de Atención á Infancia no Concello de Boimorto. Segundo informan na CNT, os incumprimentos son varios e danse en prácticamente todos os aspectos da relación laboral, nomeadamente en canto á contratación en fraude de lei, salarios moi por debaio do convenio, e incumprimento dos horarios e a xornada do persoal, entre outros.

Seguir lendo A CNT denuncia as condicións no Punto de Atención á Infancia do Concello de Boimorto

O GES de Muiños esixe a fixeza dos seus contratos

  • A CNT demanda o recoñecemento dos traballadores do Grupo de Emerxencias Supramunicipal (GES) do Concello de muiños como persoal laboral fixo
  • O GES constituíuse en 2013 e ampliáronse en 2016 tras superar o persoal un proceso de concurso-oposición e están vinculados desde entón ao Concello de Muiños como persoal laboral temporal.
  • O Concello realiza contratos por obra en fraude de lei

Actualmente os contratos do persoal dos distintos GES en Galicia están vinculados á renovación do convenio marco que Xunta, Deputacións e FEGAMP elaboran e ao que se adhiren posteriormente os Concellos que son base dos GES. Así, os traballadores e traballadoras deste servizo de emerxencias fundamental para a cidadanía declaran atoparse “bastante intranquilos” nunha situación de incertidume onde ven perigar os seus postos de traballo e onde non reciben “nin a máis mínima explicación” sobre o seu futuro laboral por parte de ningunha das distintas administracións intervintes no seu marco regulatorio.

Seguir lendo O GES de Muiños esixe a fixeza dos seus contratos

A CNT demanda a Servicios Sanitarios de la Coruña SL por despedimento

  • A empresa oculta o despedimento na suposta cobertura dunha excedencia
  • As cantidades adebedadas ao traballador superan os cinco mil euros

A CNT inerpçon unha demanda por despdimento contra a empresa Servicios Sanitarios de la Coruña SL, empresa concesionaria do transporte hospitalario programado e non urxente da área sanitaria da Coruña.

O traballador fora contratado en fraude de lei, pois un contratado realmente indefinido foi realizado pola empresa como temporal, alegando como causa de temporalidade unha circunstancia de interinidade, neste caso a substitución doutro traballador por razón do desfrute dunha excedencia de dito traballador. Sen embargo, a CNT asegura que “nin sequera se trata do mesmo posto de traballo nin do mesmo servizo” e que “en realidade o traballador despedido estaba a cubrir un posto permanente e estrutural na empresa“.

Seguir lendo A CNT demanda a Servicios Sanitarios de la Coruña SL por despedimento

A CNT denuncia as condicións de traballo do Servizo de Extinción de Incendios e Salvamento do Concello de Pontevedra

  • A CNT denuncia graves deficiencias en materia de prevención de riscos e saúde laboral
  • O Concello tampouco tería ao persoal correctamente encadrado na Seguridade Social

A CNT denuncia diversas irregularidades, que cualifican de moi graves, no Servizo de Extinción de Incendios e Salvamento do Concello de Pontevedra. Segundo o sindicato anarquista, o Concello non facilita a avaliación de riscos nin a planificación preventiva do servizo, o que “provoca un grande desamparo dos profesionais ecrea unha situación de perigo permanente“. Recálcase desde a CNT que esta información se solicitou tanto aos responsábeis municipais como ao Delegado de Prevención do Concello, “peticións das que non se recibiu resposta en ningunha ocasión, o que supón un grave incumprimento e pode implicar incluso responsabilidades penais por parte do Concello e do delegado de Prevención“.

Seguir lendo A CNT denuncia as condicións de traballo do Servizo de Extinción de Incendios e Salvamento do Concello de Pontevedra

A CNT demanda a KEYCOES CONSULTORÍA Y SERVICIOS por despedimento

• O traballador foi despedido alegando falta de rendimento

• As cantidades adebedadas pola empresa achéganse aos 2.000 euros

A CNT interpón unha demanda por despedimento contra a consultora KEYCOES, que ven de despedir a un traballador contratado en freude de lei alegando unha suposta diminución da rendibilidade cando, segundo a CNT, en realidade “trátase da forma habitual de desfacerse de traballadores temporais que deberían ser indefinidos para que non poidan exercer o seu dereito de acceso á estabilidade laboral á contratación indefinida conforme á lei“.

Seguir lendo A CNT demanda a KEYCOES CONSULTORÍA Y SERVICIOS por despedimento