11M: crónica da loita do persoal público temporal

Centenares de  persoas manifestáronse este pasado sábado 11 en Compostela baixo o lema “paremos a fraude e o abuso nas Administracións públicas”

A manifestación percorreu as rúas compostelás ente berros como:  “Paremos a fraude nas administracións”, “Empregada/o temporal é hora de loitar” ,”Servizos públicos e de calidade” ou “Non ao ERE nas administracións”.

Deuse fin á mobilización na praza de praterías coa lectura dun manifesto que reproducimos a continuación:

CNT e outros colectivos e organizacións sindicais que somos parte do sector público galego, organizámonos polos nosos dereitos laborais e contra os falsos procesos de estabilización que os distintos gobernos puxeron ou porán en marcha nos próximos meses, co aval cómplice de CCOO, UGT e CSIF. Uns procesos nos que sairán todas as prazas actualmente XA OCUPADAS por quen levamos anos cubrindo postos estruturais e necesidades permanentes dentro da Administración. Estas ofertas de emprego público en marcha, non estabilizan a ninguén nin van acabar coa temporalidade. 

A desculpa é reducir ata o 8% a temporalidade mediante Ofertas de Emprego Público masivas, nas que se convocan todas as prazas que XA ESTÁN OCUPADAS dende hai anos por empregadas/os públicos temporais en fraude de lei.

A convocatoria de OPEs e procesos selectivos de acceso libre son unha forma de tapar os abusos e fraudes cometidos na contratación temporal sucesiva de funcionarias/os interinas/os, persoal estatuario temporal e traballadoras/es temporais de longa duración. 

Estes procesos non estabilizan ás persoas, senón ás prazas, facilitarán o cese e DESPEDIMENTO MASIVO DE MÁIS DE 700.000 EMPREGADAS/OS PÚBLICOS, cunha media de idade de 45 anos e na súa maior parte mulleres, que engrosaremos as listas do desemprego, tras varias décadas traballando e achegando a nosa experiencia á calidade dos servizos públicos. Trátase dun despedimento masivo ilegal que nos venden como creación de emprego e fin da temporalidade. 

Estes abusos das Administracións Públicas na contratación temporal débense ao incumprimento do art. 70.1 do EBEP, que establece que “a execución da oferta de emprego público ou instrumento similar deberá desenvolverse dentro do prazo improrrogable de tres anos”. Ademais as administracións non sacaron a oposición o 100% da taxa de reposición, ofertando durante décadas menos prazas vacantes das existentes e amortizando prazas, incrementando así a oferta de prazas temporais que deu lugar á elevadísima taxa actual de contratación temporal de longa duración. 

Esta perpetuación do traballo temporal na Administración Pública española incumpre as “razóns expresamente xustificadas de necesidade e urxencia” ás que deben responder os contratos temporais e dá lugar á cobertura de prazas estruturais polo persoal temporal, do que a Administración pode prescindir facilmente. 

As funcionarias/os interinas/os, persoal estatuario temporal e traballadoras/es temporais de longa duración desempeñamos as mesmas funcións que as funcionarias/os de carreira (art. 10.2 e 10.1 do EBEP). Porén, recibimos un trato discriminatorio con respecto a eles incumprindo a Directiva europea 199/70/CE.

Por todo isto, facemos un chamamento aos nosos compañeiros e compañeiras, ás distintas “mareas” e colectivos defensoras do público e a toda a cidadanía, a adherírense a esta iniciativa de mobilización e visibilizar a nosa problemática, a vir con nós á mobilización que levaremos a cabo o vindeiro 11 de Maio ás 12h, con saída na Alameda de Compostela. 

ESIXIMOS: