Chamamento á mobilización do persoal das escolas infantís

A CNT apoia a concentración convocada pola Cig para o venres 17 de Febreiro ás 18,30h na escola infantil de san roque.

O persoal da rede de escolas infantís galiña azul xa estamos fartas de tanta manipulación por parte do consorcio. A xerencia ten claramente uns plans privatizadores, recorta dereitos coa excusa dunha crise fabricada polos propios políticos, e utiliza a promesa dunha convocatoria de oposicións con fins somente electoralistas. Mentras tanto, a paciencia se nos esgota, agardando os movementos que sabemos que o consorcio ten perfectamente planificados para facer o seu traspaso á axencia. Ocúltanos as condicións baixo as que dito cambio se producirá, e pretende que nos conformemos sen saber o que vai ser do noso futuro.
A sección sindical da CNT no Consorcio Galego de Servizos de Igualdade e Benestar solidarízase co persoal pendente de consolidar praza, co persoal interino e coas compañeiras que cubren baixas e fan substitucións.

A CNT en loita polos nosos dereitos, esixe:

• Aplicación do V convenio colectivo único para o persoal laboral da Xunta de Galicia
• Información detallada e inmediata dos criterios baixo os que se establecen as condicións do traspaso de consorcio á axencia
• Negociación das bases que rexirán a convocatoria de oposicións para a consolidación de prazas
• Eliminación no RRI das escolas infantis dos puntos que intentan regular as nosas condicións laborais.

                                              ESIXIMOS CONVENIO PROPIO!