- CNT relanza a campaña de protesta contra Médicos Sin Fronteras (MSF) ante a proximidade do xuizo por discriminación
- MSF segue sen recoñecer os seus erros prefirindo o enfrontamento con CNT e tratando de ofrecer cartos pola retirada da demanda
CNT por en marcha a campaña “Moitas cores, mesmos dereitos” contra a discriminación de un traballador e unha traballadora da ONG Médicos Sin Fronteras (MSF) ante a proximidade do xuizo o vindeiro dia 18 de maio.
A campaña “Moitas cores, mesmos dereitos” nace coa vontade de concienciar á cidadanía sobre a problemática laboral existente na ONG Médicos Sin Fronteras, poñendo o énfase nos casos de discriminación pero sen esquecer as múltiples denuncias interpostas pola CNT en materia laboral.
A pegada do inicio de campaña veu dar inicio esta fin de semana en Compostela coa presenza da CNT na multitudinaria Feira da primavera na rua de San Pedro e coa conmemoración do primeiro de maio.
A CNT presentou demanda o pasado mes de marzo por vulneración dos dereitos fundamentais de duas persoas do cadro de persoal de MSF adicadas á captación de persoas socias na rúa. A central anarcosindicalista asegura que estes traballadores son discriminados por razón de nacionalidade ao seren aos únicos que non se lles cambiou o contrato a indefinido.
A ONG Médicos Sin Fronteras amósase inflexible á hora de recoñecer os seus erros, mantendo unha política negacionista da súa realidade laboral e pretendendo solucionar o problema entregando cartos a cambio da retirada da demanda. En paralelo MSF contra-argumenta nos medios de comunicación xusto o contrario do que indica a Lei e alecciona con mentiras ao resto de traballadores/as provocando tensións entre a plantilla.
Sección Sindical CNT Médicos Sin Fronteras. Compostela