Iniciamos así o que será unha programación aberta ao público, coa que agardamos poder abordar asuntos de interese para o conxunto da clase traballadora.
Aínda que a CNT xa conta cunha axenda formativa interna dirixida a capacitación no ámbito sindical, somos conscientes da necesidade de ampliar as materias de estudo. É por iso que promovemos esta posibilidade de realizar actividades que nos permitan compartir coñecementos e experiencias con colectivos e persoas afíns.
Nesta primeira ocasión, abordaremos os problemas ecolóxicos dende o punto de vista da economía e do traballo. Ante a urxencia de facerlle fronte á falsa transición ecolóxica axustada ás necesidades do capital, trataremos de visibilizar aquelas experiencias e alianzas orientadas ás necesidades da maioría social.
Contaremos connosco con persoas e colectivos cuxas traxectorias os avalan e fan de especial interese:
16.30h Presentación do CEAG (S. Formación) e charla
Damián Copena (Departamento de Economía aplicada, USC). Achegaranos ao que posiblemente sexa o desafío dos nosos tempos dende o contexto galego e a economía ecolóxica.
18:30h Mesa redonda
Amalia Checa – CNT Huesca.
Do macromatadoiro máis grande de Europa ás estacións de esquí: a explotación do medio e das traballadoras (e a súa organización).
Arturo Martínez – Ecoloxistas en Acción.
Por un cambio de modelo produtivo e social que rache co mito de que só crecendo máis se pode vivir mellor.
Sinda Somoza – Plataforma Ulloa Viva.
As masivas mobilizacións contra Altri deixan claro que a súa instalación non responde ás nosas necesidades.
O acto terá lugar o próximo sábado 26 de abril na Coruña, no Centro Ágora – Aula 14, Lugar da Gramela 17, A Coruña.
Podes achegarte:
Bus urbano: 7, 12A*, 14*(*paradas cercanas ás estacións de tren e autobús)
Estación BiciCoruña (con bicis eléctricas)
