CNT penetra nas Estacions de Servicio
De novo CNT, contra os despidos en “La Barraca”
Concentración en Orange pola contratación directa e a readmisión das despedidas en Qualytel
Na tarde de onte, 15 de Xaneiro, un grupo de compañeiros concentrámonos nunha tas múltiples tendas que Orange ten en Compostela en solidariedade co sindicato da CNT de Salamanca.
Esta concentración enmárcase dentro da Semana de loita convocada contra esta empresa, en protesta polas prácticas de precarización que practican a través de filiais como Arvato-Qualytel e dos despedimentos que realizou na cidade salmantica, moitos deles de afiliadas e afiliados á CNT.
Seguir lendo Concentración en Orange pola contratación directa e a readmisión das despedidas en QualytelCONCENTRACIÓN EN LUGO O VENRES 26/12/2014 EN APOIO AOS PRESOS
Construcciones Troiteiro explota e despide
A empresa de construcción radicada en Arzúa Construcciones Troiteiro destaca como un exemplo paradigmático da explotación laboral que impera no sector da construcción. Nesta empresa os traballadores desfrutan apenas de cinco días de vacacións ao ano, cobran por debaixo do estipulado por convenio e non se respetan as categorías laborais, realizan horas extraordinarias de maneira sistemática e sen remunerar, non reciben as EPI obrigatias para desempeñar o seu traballo con seguridade e sen perigo para a súa integridade física. E cando os traballadores reclaman o mínimo que sinala a lei a reacción do empresario é o despido fulminante.
Seguir lendo Construcciones Troiteiro explota e despideCRÓNICA DA PRESENTACION DO LOCAL DO NUCLEO CONDADO-PARADANTA DA CNT
Comunicado da CNT de Ferrol en solidariedade coa plantilla do Diario de Ferrol
Ante a situación dada a coñecer polos traballadores do Diario de Ferrol facemos un chamamento urxente en apoio á súa situación. Hoxe venres 19 farase unha concentración na praza de Armas ás 11:30.
Seguir lendo Comunicado da CNT de Ferrol en solidariedade coa plantilla do Diario de FerrolVictor Campos vai entrando en razón
Recentemente informabamos do conflito sindical que a CNT iniciaba coa carpintería Víctor Campos, situada no polígono do Tambre. O conflito iniciouse pola vontade dun traballador da empresa de reclamar o cese de realización de horas extraordinarias, o pagamento das realizadas ao longo do 2014, a regularización salarial conforme a convenio, e o desfrute das vacacións deste ano.
Seguir lendo Victor Campos vai entrando en razónCoremain recoñece a maior parte das demandas da CNT
No mes de Outubro a CNT demandaba a Zemsania e Coremain por cesión ilegal de traballadores, reclamando desta maneira a conversión en traballador indefinido en Coremain dun compañeiro que prestaba servizos en Zemsania cun contrato de obra. Finalmente, Coremain aceptou as demandas da CNT e formalizou a contratación de maneira indefinida deste compañeiro en Coremain, o que significa un recoñecemento tácito da existencia da cesión ilegal, práctica común de contratación levada a cabo por estas empresas para manter en situación de precariedade aos seus traballadores e traballadoras.
Seguir lendo Coremain recoñece a maior parte das demandas da CNTApresentaçom do livro “Quês e por quês do reintegracionismo”
Na próxima terça-feira 9 de dezembro, às 20.00, terá lugar no local da CNT de Compostela a apresentaçom do libro Quês e por quês do reintegracionismo, coa presença de Joseph Ghanime Lopes, um dos seus coautores.
Coordenado por José Ramom Flores das Seixas e escrito por Beatriz Peres Bieites, Valentim Fagim Rodrigues, Eduardo Sanches Maragoto e Joseph Ghanime Lopes, este livro responde muitas questões com um tom didático e descontraído, entre elas:
Por que escrevedes tam ‘raro’? É necessário ir a Portugal para aprender galego? Quem foi o primeiro reintegracionista? Umha naçom, umha língua? Era Castelao reintegracionista? Sou eu reintegracionista? Por que os portugueses nos falam em castelhano? Quais som os países de língua oficial portuguesa e como escrevem?
Seguir lendo Apresentaçom do livro “Quês e por quês do reintegracionismo”
Concentración solidaria en Mercadona
Na tarde de onte un grupo de compañeiros concentrámonos no Mercadona de Santa Marta en solidariedade co sindicato da CNT de Albacete.
Esta concentración enmárcase dentro da Semana de loita convocada contra esta cadea de supermercados, en protesta polos mais de 30 despedimentos que realizou na cidade manchega, moitos deles de afiliadas e afiliados á CNT.
Podedes seguir o conflito da CNT albaceteña na súa páxina web.
Constituída sección sindical en Santa Apolonia
Tras as dúas denuncias interpostas contra o colexio Santa Apolonia (información aquí e aquí), a CNT ven de constituír a súa sección sindical en dito centro de ensino.
Esta sección nace para ser unha ferramenta de loita das traballadoras e traballadores do colexio, a través da que canalizar as protestas e reivindicacións.
Seguir lendo Constituída sección sindical en Santa ApoloniaSegunda denuncia contra o colexio Santa Apolonia
Tras o conflito aberto fai case dous meses por reclamación de cantidades, voltamos á carga co colexio Santa Apolonia.
Neste caso o compañeiro implicado leva traballando de profesor alí desde o ano 1992, encadeando ate 10 contratos temporais con diversas irregularidades.
En 2002 fano indefinido na empresa pero coa categoría profesional de celador, cando é o único titulado en Xeografía e Historia que hai no centro e o único que imparte as asignaturas de Xeografía, Historia e Ciencias Sociais, polo que lle correspondería a categoría de profesor titular.
Seguir lendo Segunda denuncia contra o colexio Santa Apolonia
Remata o conflicto con Cándido Hermida
O Sindicato de Oficios Varios da CNT de Ferrol mantivo conflicto coa empresa Cándido Hermida, chegando a un acordo satisfactorio para a traballadora no SMAC polo despido improcedente.
Eleccións sindicais na Xunta de Galicia
De novo eleccións sindicais. Outra vez es chamad@ a votar. Antes de que o fagas, este texto vaiche explicar en que consisten esas eleccións sindicais.
Seguir lendo Eleccións sindicais na Xunta de GaliciaMarchas da diginidade 29-N. Nos Imos!!
Pan, Traballo, Teito… Dignidade – Xornadas de loita do 24 ao 29-N
As Marchas da Dignidade volvemos saír á rúa para gritar ben alto PAN, TRABALLO, TEITO… DIGNIDADE. Saímos á rúa porque nos atopamos ante unha situación extremadamente difícil, unha situación límite, de urxencia social, que nos convoca a dar unha resposta colectiva e masiva da clase traballadora, a mayoria social e os pobos.
Millóns de traballadores e traballadoras atópanse sen emprego. Centos de miles de familias perderon a súa casa. Gran parte da mocidade vese abocada a buscarse a vida no estranxeiro. Ás mulleres quérennos quitar o noso dereito a decidir sobre os nosos corpos. Aos pobos néganselles o dereito a decidir. Seguen recortando en saúde, educación, dependencia, etc… enganaron aos nosos maiores coa estáfa bancaria das preferentes. Estamos asistindo ao roubo de dereitos e ao empobrecimiento xeneralizado da maioría social e todo en nome do pago dunha débeda ilexítima e odiosa que non contraeron os cidadáns e cidadás.
