CNT Galiza

Hoxe, mércores 16, ás 20:00 horas diante do edificio de usos múltiples da Xunta da praza Camilo José Cela, o sindicato de oficios varios de Ferrol participará na concentración en contra do acordo entre a UE e Turquía para a devolución de refuxiados. Convocamos a toda a cidadanía a que asista con nós nesta convocatoria.

Non á blindaxe de Europa, si a solidariedade da clase traballadora.

O Sindicato de Oficios Varios da CNT de Ferrol expresa a súa repulsa ao acordo entre a UE e Turquía para a expulsión dos demandantes de asilo chegados a territorio da UE e o seu total rexeitamento á política mantida polo Estado español e a Unión Europea coas persoas inmigrantes, tanto por motivos económicos como de seguridade.

Levamos anos presenciando como os desprazados polos desequilibrios inherentes ao sistema capitalista e as vítimas das nosas exportacións de armas e os experimentos de exportación de lendarias transicións de sistemas políticos morren no intento de alcanzar o territorio europeo. Escoitamos, atónitos, como o fogo de pelotas de goma e botes de fume na praia do Tarajal era a simbólica representación -a título simplemente de referencia- dos sagrados límites diso que chaman patria. O resultado, o habitual, dor e morte.

Seguir lendo Concentración hoxe ás 20:00 h en solidariedade cos refuxiados .

O SOV da CNT de Ferrol quere expresar o seu apoio a FJMR, militante da CIG e coñecido activista social da cidade, que será xulgado o vindeiro luns 14 por feitos acontecidos durante a folga xeral do 29 de marzo de 2012.

Seguir lendo Solidariedade con FJMR. Acude á concentración no xulgado, o vindeiro luns.

A Sección de sindical de CNT no Grupo de Emerxencias Supramunicipal (GES) do Concello de A Guarda ven de presentar un amplo informe sobre o estado lamentable no que se atopa a base de traballo do grupo de emerxencias no que os integrantes do GES “viven” permanentemente en quendas de 24h ao dia.

Os GES da Guarda desenvolven o seu traballo na que pretendía ser a estación de autobuses do Concello. O acondicionamento para este cambio no uso foi case nulo por parte dos responsables de governo sendo na medida do posible paliado polos propios traballadores e traballadoras que aportan solucións propias ante a falta de recursos que destina o Concello.

As queixas dos traballadores/as dos GES sobre a base son múltiples, entre as detalladas no informe: a falta de aillamento da humidade, os malos cheiros derivados da deficiente instalación de fontanería, a insuficiencia de espazos e medios para a descontaminación dos equipos logo das intervencións, a fallas na conexión de internet a través do que se conectan á centralita de emerxencias, ou o uso “variado” das instalacións que se ven facendo por parte de distintos colectivos que impiden o normal funcionamento das actividade propias dos GES.

Seguir lendo Os GES denuncian o estado da base de emerxencias do Concello da Guarda

• O documento pretende a mellora das condicións laborais
• Cinco propostas serán presentadas na próxima asemblea xeral
• Inclúe melloras na participación asemblear

As traballadoras e traballadores de Servicarne propoñen unha serie de medidas para a mellora das condicións laborais en Servicarne-Coren.

Cinco propostas foron presentadas no pasado martes, 8 de marzo, nunha concentración ás portas da planta de Servicarne-Coren en Ourense xunto a unha recolla de sinaturas para apoiar esta iniciativa.

Estas propostas, que serán presentadas na próxima asemblea xeral da cooperativa, van dirixidas a todas e redundarán no beneficio de todas por igual.

O obxectivo é mellorar substancialmente as condicións laborais como traballadoras e traballadores e os dereitos como socios e socias cooperativistas.

Seguir lendo Iniciativa para a mellora das condicións en Servicarne

Continúa o conflito do SOV de Ferrol coa empresa “La Mesa de Oro”. Tras chegar verbalmente a un acordo satisfactorio para a traballadora, no que a empresa se comprometía a pagar unha cantidade acordada o pasado día 1, tal pago non chegou a realizarse.

Seguir lendo Xogo sucio na “Mesa de Oro”.

O SOV da CNT de Ferrol emprende conflito laboral contra Mercadona que, unha vez máis, incumpre as cláusulas do seu propio convenio e as bases de lexislación laboral.

Seguir lendo Mercadona acosa de novo en Ferrolterra.

Hoxe é un día de reivindicación e loita. Un día no que visibilizamos e recoñecemos aquelas que, contra vento e marea, continúan a se enfrentar ao poder como obreiras e como mulleres. Un día en que afirmamos que a realidade da muller traballadora nos deseña un mapa no cal a invisibilización, a pobreza, a discriminación e a violencia son aspectos definitorios. Un día en que recordamos que a loita da muller traballadora nin é nin pode ser unha loita secundaria.

As mulleres de clase obreira enfréntanse diariamente a unha dupla discriminación: por seren obreiras e por seren mulleres. O foso salarial alcanza niveis vergoñentos e concretízase en cousas como a menor retribución das mulleres por traballos equivalentes (como ocorre, por exemplo, na diferenza entre limpador/a e peón); infravaloración de categorías tradicionalmente femininas (camareiras de piso, pasadoras de ferro, coidadoras, etc) ou diferenzas salariais entre sectores feminizados e masculinizados.

Esta discriminación tamén se materializa en aspectos relacionados co acceso ao emprego, á promoción ou á formación: estabelecemento de criterios de selección falsamente obxectivos (por exemplo, esixir un título de automoción para traballar nunha cadea de montaxe); criterios baseados na disponibilidade horaria ou, o que é peor e máis habitual, ausencia de criterios de selección, que permite á empresa contratar de forma sexista sen máis explicación; eliminación de determinados beneficios para categorías con sobrerrepresentación feminina (como pluses, cobertura de vacantes ou transformación de contratos temporais en indefinidos); estabelecemento de cursos de formación fóra da xornada laboral, etc.

Seguir lendo 8 de marzo: Invisíbeis nunca máis

 

Seguir lendo CNT informa. Febreiro 2016

• O sindicato CNT continúa a campaña contra a asesoría Táboa Confixest por impagamento de dévedas
• Un segundo piquete é organizado ás portas da asesoría
• A asesoría responde autodefiníndose como ‘circo’

Dentro da campaña desenvolvida pola CNT contra os empresarios Javier Rey e Javier Álvarez e contra a asesoría Táboa Confixest, un novo piquete saiu ás rúas onte para denunciar e informar os veciños e veciñas de compostela das súas práticas explotadoras.

Segundo informa o sindicato, a asesoría da central rúa do Hórreo compostelana «non aplicaba o convenio correspondente o cal implica unha déveda polas diferenzas salariais».

Alén diso, os empresarios obrigaban a realizar horas extra á traballadora filiada ao sindicato CNT «que non eran compensadas».

Por estes motivos, a CNT denunciou «a acumulación de unha déveda de 3000 euros» e iniciou a pasada semana accións sindicais «até que os empresarios salden a súa déveda».

Durante o piquete, a asesoría respondeu os argumentos da organización anarcosindical na língua universal, a música, colocando uns altifalantes coa canción «Habia una vez un circo». Para os organizadores do piquete «non existe mellor definición desta empresa, un circo que utiliza o fraude para encher as vidas dos empresarios de cor e ilusión, roubando o que pertence ás traballadoras».

Salientan os presentes que «frente a cor verde empresarial, estarán sempre a vermella e a negra anarcosindical».

Seguir lendo Habia unha vez Táboa Confixest

A asesoría rexentada por D. Javier Rey e D. Javier Álvarez mantén un conflito co sindicato CNT pola débeda contraída cunha filiada.

No pasado xoves, 18 de febreiro, un piquete da CNT concentrouse ante a Asesoría Táboa Confixest, con sede na céntrica rúa compostelana do Hórreo.

Durante o piquete, os veciños e veciñas compostelanas foron informadas das prácticas explotadoras dos empresarios, que se negan a pagar a débeda reclamada «relativa ás diferenzas salariais entre o convenio que tiña que ser de aplicación e o que aplicaba a asesoría».

Alén diso, segundo a organización anarcosindicalista, a empresa obrigaba á traballadora e realizar horas extra «acumulando unha débeda de 3000 euros».

Como xa avisou o sindicato recentemente, este é o inicio das accións sindicais contra a empresa denunciada e continuarán «até que os empresarios salden a súa débeda coa compañeira».

Seguir lendo Piquete da CNT en Táboa Confixest

• O sindicato CNT denuncia Táboa Confixest por débedas contraídas cunha traballadora
• A asesoría non aplicaba o convenio correspondente e obrigaba a realizar horas extra sen compensación

A CNT ven de iniciar conflito coa Asesoría Táboa Confixest S.L. localizada na compostelana rua do Hórreo.

O conflito iníciase pola débeda que mantén a asesoria rexentada por D. Javier Rey e D. Javier Álvarez cunha traballadora filiada á CNT. Segundo afirma o sindicato, a débeda orixínase «fundamentalmente das diferenzas salariais entre o convenio que tiña que ser de aplicación e o que aplicaba a asesoría».

Con todo, o sindicato CNT salienta que aparte da reclamación de diferenzas de convenio, reclámanse «as horas extras que a empresa obrigaba a realizar á traballadora, polo cal estes explotadores acumulan unha débeda de máis de 3000 euros á nosa compañeira».

A dia de hoxe estes empresarios xa foron denunciados pola organización anarcosindicalista e adianta que «pronto comezarán a levar a cabo as accións oportunas» para conseguir os pagamentos pendentes.

Seguir lendo A CNT inicia conflito coa Asesoría Táboa Confixest SL

O sábado 13 de febreiro celebrouse na praza de Armas de Ferrol unha concentración pola retirada dos cargos aos titiriteiros acusados de enaltecemento do terrorismo.

Seguir lendo Concentración en Ferrol pola retirada dos cargos aos titiriteiros

Por volta de meio milhar de pessoas concentraram-se na passada quarta-feira, 10 de fevereiro, na praça do Pão em solidariedade com os titeriteiros detidos em Madrid.

Segundo a CNT, as pessoas detidas foram encarceradas por exercer o direito à liberdade de expressão artística, com a colaboração covarde do governo municipal de Madrid que, num exercício de equilibrismo impossível, tentou agradar a todo o mundo.

Seguir lendo Crónica da concentração pola liberdade dos titeriteiros

O SOV de Ferrol inicia conflito coa empresa “La Mesa de Oro”, que publicita por internet menús de restaurantes galegos.

Seguir lendo De ouro para uns, baleiras outras.

O venres 5 de febreiro dous integrantes da compañía ‘Títeres desde Abajo’ foron detidos no transcurso da súa última obra, «A Bruxa e Don Cristóbal», baixo a acusación de enaltecimento do terrorismo. Na actuación do 5 de febreiro en Madrid parte do público asistente sentiuse molesta coa obra, e lonxe de limitarse a unha cuestión estética ou de criterios, chamaron á policía que acudiu e procedeu a deter aos integrantes de ‘Títeres desde Abajo’, que tiveron que interromper a obra pola acción dos descontentos. Inmediatamente dispáranse as alarmas do poder: non só eran artistas críticos, tamén eran anarquistas.

Nun auto xudicial que podía pasar aos anais do despropósito legal, a Audiencia Nacional decide encarcelar as persoas detidas «por enaltecimento do terrorismo». O partido da señora Manuela Carmena, alcaldesa de Madrid, non tarda en anunciar aos medios sen saber moi ben que é o que pasa que «tomará medidas legais» contra os artistas que representan unha obra que recoñecen non ter visto. Nun acto de hipocresía monumental, ao pouco tempo publican un comunicado no que tachan de «irresponsables» aos dous titiriteiros que van camiño do cárcere tras pasar polos xulgados da Audiencia Nacional e no que anuncian que se manteñen na súa denuncia caso teñan cometido actos «ofensivos ou lesivos para a sensibilidade» mais, iso si, esperan que se manteñan as súas «garantías xurídicas». Unha tentativa vergoñenta de nadar e gardar a roupa perante un feito represivo que, sábeno perfectamente (leron o auto), non respectou as máis mínimas garantías xurídicas e colaborar de forma consciente e directa na articulación da enésima montaxe policial contra os movementos sociais. Nin unha palabra pedindo a liberación dos detidos.

Seguir lendo Perante a detención dos dous integrantes de ‘Títeres desde Abajo’