CNT Galiza

• MSF altera unilateralmente os conceptos na nómina dos captadores/as de socias/os
• CNT critica a impropia política laboral da ONG Médicos Sin Fronteras

A CNT ven de presentar denuncias contra a ONG Médicos Sin Fronteras (MSF) por mor de ter modificado substancialmente as condicións do contrato de traballo dos seus traballadores/as na captación de socios/as.

MSF sen previo aviso acerca da modificación dos conceptos aboados na nómina alterou os conceptos retributivos das nóminas a partir do mes de febreiro de 2016. Con esta modificación a ONG “evita actualmente unha subida salarial e “cúbrese” respecto a unha eventual subida dos complementos da nómina; e todo elo baixo a falsa apariencia de que a nómina dos traballadores permaneceu invariable” como afirma a delegada da sección sindical de CNT.

Seguir lendo CNT denuncia por modificación dos contratos á ONG Médicos Sin Fronteras

A CNT de Compostela da por finalizado o conflito que mantiña coa Pulpería Fuentes situada no barrio de Conxo.

O conflito péchase ao alcanzar co empresario o mesmo dia do xuízo un acordo moi beneficioso para a nosa compañeira.

Seguir lendo Finalizado conflito coa Pulpería Fuentes

• Novo piquete da CNT contra Médicos Sin Fronteras (MSF) nos xulgados de Compostela
• Adiado xuizo por discriminación de traballadores/as estranxeiros en MSF

 

Este mércores 6 de abril a CNT protestou de novo contra as políticas laborais de Médicos Sin Fronteras (MSF) na data en que estaba previsto celebrar o xuizo por discirminación da compañeira e compañeiro traballadores estranxeiros de MSF. Finalmente o xulgado admitiu a posibilidade de celebrar xuntos os xuizos da compañeira e o compañeiro denunciantes, aínda que debido á escasa marxe nas notificacións ás partes implicadas o xuizo foi adiado ata o vindeiro mes de maio.

Seguir lendo Protesta contra MSF ás portas do xulgado

 

Seguir lendo CNT informa. Marzo 2016

Onte, coincidindo co segundo día internacional en solidariedade cos titiriteiros detidos o 5 de febreiro durante a representación da obra de monicreques “La bruja y don Cristóbal”, integrantes do SOV da CNT de Ferrol saíron a expresar a súa solidariedade cos artistas, a esixir a retirada total dos cargos dos que os acusan e a informar á cidadanía deste escandaloso atentado contra a liberdade de expresión.

Seguir lendo As estatuas de Ferrol solidarízanse cos titiriteiros.

• Esténdense os piquetes contra a vulneración de dereitos por parte da ONG
• Xa son dúas as demandas de discriminación por nacionalidade contra Médicos Sin Fronteras
• «A menos diálogo mais mobilización» contra a política laboral de MSF
• Segundo fontes sindicais «non se descarta escalar a campaña»

Máis un captador de socios de Médicos Sin Fronteras ven de presentar demanda contra a empresa por vulneración de dereitos por razón de nacionalidade. Xúntase esta á demanda da outra traballadora que, por non seren ambos de nacionalidade española, a ONG se nega a mudar o seu contrato temporal para indefinido, como co resto de traballadores e traballadoras.

Segundo informa o sindicato CNT «non existe ningún impedimento legal, de feito, a Secretaría Xeral de Inmigración e Estranxería respalda a a contratación igualitaria entre persoas nacionais e estranxeiras».

Seguir lendo Nova demanda por discriminación intensifica a campaña contra Médicos Sin Fronteras

• A empresa INESFOR condenada por vulneración de direitos fundamentais
• O empresário Leonardo Amboage deverá indemnizar e pagar as dívidas à trabalhadora e trabalhador despedidos

A empresa de formação laboral e profissional INESFOR, com sede em Bertamirães, vem de ser condenada por ter despedido uma trabalhadora e um trabalhador trás demandar a empresa.
Segundo informa a CNT o empresário Leonardo Amboage, que devia à trabalhadora e a outro trabalhador vários meses de salário, «terá que assumir o pagamento de aproximadamente 30000 euros por vulneração de direitos fundamentais e polas dívidas acumuladas».
A trabalhadora e trabalhador que reclamaron a extinção do contrato por incumprimento por parte do empresário, ao estar a trabalhar sem receber salário durante vários meses, foron despedidos como consequência dessa denúncia.

Seguir lendo INESFOR é condenada por despedir trabalhadores

A sección sindical de CNT na Xunta de Galicia a ven de reclamar novamente unha xa vella revindicación dos traballadores e traballadoras desta Administración en materia de conciliación.

Así, se reclama a Función Pública como parte das medidas de flexibilización horaria dispoñibles a posibilidade de traballar os venres pola tarde a partir das 15.30 h. tendo o correspondente reflexo no sistema de fichaxe Kronos. Non ten moito sentido que, estando a maioría dos centros abertos os venres pola tarde e co oportuno servizo de seguridade, non se nos permita conciliar traballo con vida persoal, como indican xa moitas sentenzas en materia de conciliación familiar.

Seguir lendo A CNT solicita a ampliación das medidas de conciliación na Xunta

• En apoio cos compañeiros e compañeiras de Servicarne no Porriño.
• Os traballadores e traballadoras de Servicarne no Porriño veñen de iniciar unha folga indefinida promovida pola CIG para melloraren as súas condicións laborais.

Mais dos 80% dos traballadores e traballadoras secundaron a folga que foi adoptada como medida perante a imposibilidade de diálogo por parte da dirección de Servicarne.

Como ven denunciando a CNT nos últimos meses, as condicións laborais en que se encontran os traballadores e traballadoras da subcontrata Servicarne son de importantes niveis de explotación.

Seguir lendo A CNT solidarízase coa folga indefinida en Servicarne no Porriño

• Captadora de socios demanda a Médicos Sin Fronteras por vulneración de dereitos fundamentais
• Denuncia discriminación e fraude de lei na contratación
• A empresa discrimina traballadora por razón de nacionalidade
• Este tipo de condutas discriminatorias poderían implicar multas de até 187.515 euros.

Unha traballadora filiada ao sindicato CNT veñen de demandar a Médicos Sin Fronteras por vulneración de dereitos fundamentais.

A captadora de socios da ONG foi vítima da discriminación por parte da empresa por razóns de nacionalidade ao non facilitar a conversión do seu contrato temporal (en fraude) a indefinido.

Segundo fontes do sindicato CNT «a traballadora leva prestando servizos como captadora de socios en Médicos Sin Fronteras desde hai dous anos e foi inicialmente contratada de forma temporal en fraude de lei, visto que os seus servizos obedecen a necesidades constantes da empresa».

Seguir lendo Médicos Sin Fronteras é demandada por discriminación

Hoxe, mércores 16, ás 20:00 horas diante do edificio de usos múltiples da Xunta da praza Camilo José Cela, o sindicato de oficios varios de Ferrol participará na concentración en contra do acordo entre a UE e Turquía para a devolución de refuxiados. Convocamos a toda a cidadanía a que asista con nós nesta convocatoria.

Non á blindaxe de Europa, si a solidariedade da clase traballadora.

O Sindicato de Oficios Varios da CNT de Ferrol expresa a súa repulsa ao acordo entre a UE e Turquía para a expulsión dos demandantes de asilo chegados a territorio da UE e o seu total rexeitamento á política mantida polo Estado español e a Unión Europea coas persoas inmigrantes, tanto por motivos económicos como de seguridade.

Levamos anos presenciando como os desprazados polos desequilibrios inherentes ao sistema capitalista e as vítimas das nosas exportacións de armas e os experimentos de exportación de lendarias transicións de sistemas políticos morren no intento de alcanzar o territorio europeo. Escoitamos, atónitos, como o fogo de pelotas de goma e botes de fume na praia do Tarajal era a simbólica representación -a título simplemente de referencia- dos sagrados límites diso que chaman patria. O resultado, o habitual, dor e morte.

Seguir lendo Concentración hoxe ás 20:00 h en solidariedade cos refuxiados .

O SOV da CNT de Ferrol quere expresar o seu apoio a FJMR, militante da CIG e coñecido activista social da cidade, que será xulgado o vindeiro luns 14 por feitos acontecidos durante a folga xeral do 29 de marzo de 2012.

Seguir lendo Solidariedade con FJMR. Acude á concentración no xulgado, o vindeiro luns.

A Sección de sindical de CNT no Grupo de Emerxencias Supramunicipal (GES) do Concello de A Guarda ven de presentar un amplo informe sobre o estado lamentable no que se atopa a base de traballo do grupo de emerxencias no que os integrantes do GES “viven” permanentemente en quendas de 24h ao dia.

Os GES da Guarda desenvolven o seu traballo na que pretendía ser a estación de autobuses do Concello. O acondicionamento para este cambio no uso foi case nulo por parte dos responsables de governo sendo na medida do posible paliado polos propios traballadores e traballadoras que aportan solucións propias ante a falta de recursos que destina o Concello.

As queixas dos traballadores/as dos GES sobre a base son múltiples, entre as detalladas no informe: a falta de aillamento da humidade, os malos cheiros derivados da deficiente instalación de fontanería, a insuficiencia de espazos e medios para a descontaminación dos equipos logo das intervencións, a fallas na conexión de internet a través do que se conectan á centralita de emerxencias, ou o uso “variado” das instalacións que se ven facendo por parte de distintos colectivos que impiden o normal funcionamento das actividade propias dos GES.

Seguir lendo Os GES denuncian o estado da base de emerxencias do Concello da Guarda

• O documento pretende a mellora das condicións laborais
• Cinco propostas serán presentadas na próxima asemblea xeral
• Inclúe melloras na participación asemblear

As traballadoras e traballadores de Servicarne propoñen unha serie de medidas para a mellora das condicións laborais en Servicarne-Coren.

Cinco propostas foron presentadas no pasado martes, 8 de marzo, nunha concentración ás portas da planta de Servicarne-Coren en Ourense xunto a unha recolla de sinaturas para apoiar esta iniciativa.

Estas propostas, que serán presentadas na próxima asemblea xeral da cooperativa, van dirixidas a todas e redundarán no beneficio de todas por igual.

O obxectivo é mellorar substancialmente as condicións laborais como traballadoras e traballadores e os dereitos como socios e socias cooperativistas.

Seguir lendo Iniciativa para a mellora das condicións en Servicarne