CNT Galiza

Nós afacémonos a vivir con medo. Vivimos – máis ben sobrevivimos – alerta: alerta para chegar vivas e sas a casa cando saímos pola noite, alerta para non caer nunha relación de violencia machista, alerta para que non nos acosen, violéntennos, viólennos, asasínennos. O noso corpo sabe de memoria que músculos ténsanse cando escoitamos pasos demasiado preto de nós se camiñamos soas de noite. As nosas pulsacións dispáranse cando lle damos mil voltas a como enfrontarnos a ese tío baboso, a ese compañeiro baboso, a ese xefe baboso.

Seguir lendo O medo non nos salva. Xuntas coidámonos. Xuntas defendémonos

Novelista gráfico, labor que leva máis de vinte anos combinando coa de agroforestal. A súa obra fala da desmemoria e a construción dun imaxinario anticapitalista.

Seguir lendo Charla de Rubén Uceda Villanueva. Novembro.

Nos últimos anos o capitalismo neoliberal pisou o acelerador a todo gas para producir a maior acumulación de capitais da historia. Dende 2017 as rendas máis ricas do estado español, as do 1% máis rico, medraron un 43%. Este proceso seguiu parámetros similares en case todo o bloque occidental. É ben sabido que estes ricos pagan menos impostos que as rendas máis pobres.

Seguir lendo Ante a crise da vivenda, aumento salarial

O Goberno entregou o 16 de outubro unha declaración de recoñecemento e reparación á familia do anarquista catalán Salvador Puig Antich, executado por garrote vil o 2 de marzo de 1974. Nesta declaración, anúlase a condena e recoñécese a Salvador como vítima do Estado franquista e tamén a ilexitimidade do tribunal que o sentenciou a matar.

Salvador Puig Antich foi un anarquista e militante do Movemento Ibérico de Liberación-Grupos Autónomos de Combate (MIL-GAC), grupo relacionado con cenetistas no exilio que realizaban expropiacións a bancos para financiar publicacións e loitas obreiras.

Seguir lendo En memoria de Salvador Puig Antich

A CNT preséntase como unha alternativa eficaz e axeitada fronte á RLT.
A atención á PRL, á conciliación e o aumento salarial consolidable serán as prioridades da sección sindical.

Seguir lendo A CNT constitúe sección sindical en COASA

Esta empresa adicada á venda de cursos modifica as condicións dos seus traballadores e os seus incentivos ao seu antollo, xogando cos seus cartos cada mes.
A empresa está obrigada a devolver ao noso afiliado ás súas anteriores condicións de traballo, declarando inxustificadas e abusivas as que a empresa quería aplicarlle.

Seguir lendo Vitoria no conflito con LABORALIA

A condena ás compañeiras de “As Seis da Suíza” é o colofón á represión exercida sobre distintos movementos e conflitos sociais e sindicais nos últimos 20 anos, hai que retroceder no tempo ao caso “Cándido e Morala”, no ano 2005 dentro das mobilizacións de Naval Xixón, para atopar unha condena similar ao movemento sindical.

Seguir lendo O Estado contra os movementos sociais e sindicais

● O TSXG admite a demanda da CNT e concede o teletraballo para conciliar aínda que o convenio colectivo non recoñeza este dereito.
● É a primeira vez que se recoñece que o disposto nesta materia no Estatuto dos traballadores é de aplicación ao persoal público.

Seguir lendo A CNT consegue a primeira aplicación do teletraballo como dereito de conciliación na Uvigo

A finais de setembro os “axentes sociais” e o goberno chegaron a un acordo no que se asume o discurso da patronal en materia de xubilación (atrasar idade e reducir a contía) e no control de baixas laborais por enfermidade común.

Seguir lendo Xubilacións, tarde, mal ou… Nunca!

O xenocidio en Gaza continúa, o número de vítimas é xa incalculable debido á magnitude da destrución. Decenas de miles de persoas asasinadas, torturadas, violadas, mutiladas, atrapadas….

Seguir lendo 27S: Xornada de loita en apoio a Palestina

A Fundación Castelao segue facendo actos e vídeos, pero non lembra pagar o que debe ás súas traballadoras.

Seguir lendo Segue o conflito coa Fundación Castelao

Coa aplicación do novo acordo de condicións laborais para o persoal funcionario do servizo (acordo e condicións que en uns distritos se aplica tamén ao persoal laboral e en outros non) prodúcese un desdobramento das cuadrillas, deixando máis da metade delas sen xefe de cuadrilla, ese desdobramento xunto coa non cobertura das baixas e vacantes tradúcese en que a gran maioria das brigadas están operativas soamente con un ou dous bombeiros forestais

Seguir lendo CAOS NO SPIF (Servizo de Prevención e Defensa contra Incendios Forestais)