A CNT ven de constituír a súa sección sindical na ONGD SenValos de A
Coruña. Esta sección nace para ser unha ferramenta de loita das
traballadoras, a través da que canalizar as súas demandas e
reivindicacións.
A Sección ten solicitado xa unha reunión coa Empresa co fin de tratar
varios asuntos que afectan a plantilla, xa maioritariamente afiliada na
Sección Sindical
Entre eles destacan:
1. Impago de nóminas
2. Plan de avaliación de riscos laboráis
3. Conciliación da vida laboral e familiar
4. Xornadas e vacacións regulamentadas
5. Pago dos desprazamentos e kilometraxe
6. Respeto a liberdade sindical
Desde a CNT destacan que “a estrutura de sección sindical é moito máis
forte e eficaz que o modelo representativo, ademais de ser
verdadeiramente horizontal. Non hai intermediarios, as traballadoras
negocian coa empresa. Todas as afiliadas teñen o mesmo poder na sección,
sen distincións nin xerarquías” e animan “desde xa ao resto de
traballadoras a achegarse á sección, participar dela e avanzar cara
unhas mellores condicións laborais e materiais”.
