O xenocidio en Gaza continúa, o número de vítimas é xa incalculable debido á magnitude da destrución. Decenas de miles de persoas asasinadas, torturadas, violadas, mutiladas, atrapadas…. Unha poboación enteira que está a perdelo todo. Un desastre humanitario, pola práctica dunha violencia salvaxe e indiscriminada por parte do exército israeliano.
A xornada do 27 de setembro será un acto de solidariedade internacional e de loita obreira, de visibilización da mobilización en apoio ao pobo palestino e contra o xenocidio sionista.
Desde CNT Galiza, xunto con outras organizacións, respondemos a este chamamento á clase traballadora e apoiamos a participación nesta xornada de folga e mobilización para reivindicar: O alto ao fogo en Gaza e que pare o xenocidio do pobo palestino, a fin ao comercio de armas con Israel, a ruptura de toda relación comercial, institucional e diplomática do estado español co estado sionista de Israel, e a retirada inmediata de todas as forzas militares na zona.
En Galiza desenvolveranse distintas manifestacións e concentracións previstas para o 27 de setembro:
- A Coruña: Manifestación ás 20h no Obelisco.
- Compostela: Manifestación ás 12h na Praza Roxa e concentración ás 19h na Praza do Obradoiro.
- Pontevedra: Manifestación ás 20h en Loureiro Crespo, fronte ao Hospital Provincial.
- Vigo: Manifestación ás 19h fronte ao Marco.
- Redondela: Concentración ás 11h en Alfonso XII, fronte ao BBVA
- Ferrol: Manifestación ás 20h na Praza Vella.
- Ourense: Manifestación ás 20h: Saída dende Praza das Mercedes, remata na Subdelegación de Defensa, na Rúa do Paseo 35
Información sobre a folga do 27S: https://cnt.gal/a-folga-preguntas-frecuentes/
