- Estas concentracións teñen por finalidade visibilizar a situación do persoal público temporal: Interino, estatutario e laboral… son o persoal máis precario e para o que existe o despido libre.
- CNT apoia tamén a protesta do 19 de febreiro no TSXG.
- A CNT non pode obviar esta situación e traslada ás súa afiliación a necesidade de participación activa nas protestas.
As concentracións deste 15 de febreiro conmemoran a manifestación masiva en Madrid na mesma data realizada fai un ano. Dende ese momento ata agora son múltiples os colectivos por todo o estado que se organizan para loitar mediante manifestacións e concentracións. Neste senso, a CNT a parte de apoiar estas accións, realiza a convocatoria dunha das primeiras folgas de todo o estado para tratar de solucionar a temporalidade no ente público que posiblemente ten o máximo índice de fraude por temporalidade do estado (95% das suas traballadoras): o Consorcio Galego de Igualdade e Benestar.
En Galiza as convocatorias deste luns 15 de febreiro son ás 17:30h en:
- A Coruña: Praza Maria Pita
- Vigo: Marco – Príncipe
- Pontevedra: Praza da Peregrina
- Lugo: Praza do Concello
- Santiago: Praza do Obradoiro
- Ourense: Praza do Concello
Facémonos tamén eco da convocatoria prevista para o venres 19 ás 12h no TSXG en A Coruña organizada pola asociación Plategal.
Nas protestas está convidado a participar todo o persoal público temporal de todas as administracións públicas e de todas as categorías; porque o fraude por temporalidade é un problema xeral en todo o estado. Este sistema “precarizador” leva anos funcionando e xerando persoal temporal con menos dereitos. Agora somos 800.000, e a solución que da desde as Administracións é deixarnos na rúa, sen ter en conta o abuso sufrido nin os anos de servizo.
Paremos a fraude nas Administracións!!
Fixeza XA!!
As que estamos quedamos!!